საქართველოს რეგიონული განვითარებისა და ინფრასტრუქტურის სამინისტრომ 2023 წლის 9 თვის სახელმწიფო ბიუჯეტი 108.2%-ით ანუ 176.1 მილიონი ლარის გადაჭარბებით შეასრულა. ინფორმაციას უწყება ავრცელებს.
სამინისტროს ცნობით, სახელმწიფო ბიუჯეტის საკასო ხარჯმა 2 მილიარდ 318 მლნ ლარი შეადგინა, რაც გეგმაზე (2 მლრდ 142.1 მლნ ლარი) 176.1 მილიონი ლარით მეტია.
„სამინისტრომ ინფრასტრუქტურული პროექტების განვითარებას წინა წლის ანალოგიურ მაჩვენებელზე 220.1 მილიონი ლარით მეტი ფინანსური რესურსი მოახმარა, რაც სამინისტროს არსებობის ისტორიაში, 9 თვის შესრულების ყველაზე მაღალი მაჩვენებელია“, – ნათქვამია უწყების მიერ გავრცელებულ განცხადებაში.
რეგიონული განვითარებისა და ინფრასტრუქტურის სამინისტროს მართვაში არსებულმა უწყებებმაც 2023 წლის 9 თვის გეგმებს გადააჭარბეს და ქვეყნის მასშტაბით, ინფრასტრუქტურული პროექტების განვითარებას მოახმარეს:
საავტომობილო გზების დეპარტამენტმა – 1 მილიარდ 492 მილიონი ლარი (გეგმის 109%);
სსიპ საქართველოს მუნიციპალური განვითარების ფონდმა – 479.0 მილიონი ლარი (გეგმის 104%);
შპს “საქართველოს გაერთიანებული წყალმომარაგების კომპანიამ“ – 309.3 მილიონი ლარი (გეგმის 115%);
შპს “მყარი ნარჩენების მართვის კომპანიამ“ – 30 მილიონი ლარი (გეგმის 102 %).
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…